من أنا

أنا مرزوق البريك، صانع محتوى في المشاريع الرقمية، ويتابعني أكثر من 1.7 مليون على تيك توك وانستقرام وإكس وسناب شات ويوتيوب وتيليجرام. وهذي مدونتي الشخصية، أكتب فيها عن أدوات الذكاء الاصطناعي والمنصات الرقمية اللي أستخدمها في شغلي.

من وين بديت

أول منتج رقمي بعته كان «الدليل الشامل للربح من المنتجات الرقمية»، مجموعة فيديوهات جمعتها في حافظة على Google Drive وبعتها من متجر فتحته على سلة في 2021. أول ثلاثة أيام تعدّت المبيعات 5000 ريال. وبعد أكثر من سنة ضاع دومين المتجر لأني نسيت أجدّده، وقعدت ثلاثة أيام مع الدعم وما رجع، فاشتريت دومين جديد وبديت من الصفر. القصة كاملة في تجربة سلة بعد 3 سنوات.

وش أسوي اليوم

أبيع منتجاتي الرقمية من متجري على ديجيفاي، وعندي منصة الثروة الرقمية (althrwadi.com)، منصة اشتراك أعلّم فيها الأعضاء يبنون مشاريعهم الرقمية بالتطبيق على أدوات حقيقية. وأقدّم ورش عمل، وأنشر شروحات على قناتي في يوتيوب.

وأدفع كل شهر بين 160 و200 دولار على اشتراكات أدوات الذكاء الاصطناعي، وبنيت بـ Claude Code ست أدوات أستخدمها في شغلي اليومي.

كيف أكتب هنا

ما أكتب عن أداة ما استخدمتها بنفسي. أكتب السعر وقت كتابة المقال، والمشكلة اللي واجهتني، ولمن ما أنصح بالأداة. ولما يتغيّر سعر أو يتغيّر رأيي بعد استخدام أطول، أرجع للمقال وأعدّله.

لمن هذي المدونة

لصاحب المشروع الصغير، وصانع المحتوى، واللي يبيع منتجات رقمية ويبي يعرف قبل ما يدفع في أداة أو منصة وش بيلقى فيها فعلاً.

تواصل معي

تلقاني في إكس وانستقرام وتيك توك وتيليجرام باسم mrz_s1، وفي سناب شات ويوتيوب باسم mrzo_r. ولأي سؤال أو تعاون، راسلني من صفحة اتصل بنا.